მთლიანად რიდერი ზომებში საკმაოდ პატარაა და ქურთუკის ჯიბეში ეტევა ქოვერში ჩადებულიც კი.
დავიწყებ ქოვერიდან:
- მსუბუქია, მოქნილი და თხელი. ხარისხიანი მასალისგან. ოღონდ არ იკვრება. რიდერი ჯდება მჭიდროდ, ამოვარდნის შანსი არ არის. ისე, ვამჯობინებდი კინდლ3-ის ქოვერის მსგავსად შესაკრავი ქონოდა, ასევე უფრო მკვრივი და მასიური ყოფილიყო რიდერის მეტი დაცულობისთვის.
- განათება კარგადაა ჩაშენებული, კინდლისგან განსხვავებით იკვებება საკუთარი ელემენტით. პლუსი: რიდერის აკუმულატორი უფრო დიდხანს ძლებს. მინუსი: ნაკლებად ელეგანტურია.
თვითონ რიდერი:
- ძალიან მსუბუქია, კომფორტული. კორპუსი პრიალაა, რაც ერთგვარი მინუსია - სინათლეს ირეკლავს, თუმცა არც ისე რომ კითხვას ხელი შეუშალოს. თეთრი კორპუსი ვარჩიე, რადგანაც თითების ანაბეჭდები ფაქტიურად არ ჩანს და სინათლესაც ნაკლებად ირეკლავს შავთან შედარებით.
- Power-ღილაკი ცოტა უფრო მოუხერხებელია ვიდრე კინდლ3-ის.
- თაჩსკრინი - მგრძნობიარეა. შეჩვევა ჭირდება, მაგრამ მერე კომფორტულია.
- ნავიგაცია მოსახერხებელია, შესაძლებელია ფურცვლა, მენიუს გამოტანა და "უკან დაბრუნება" როგორც ღილაკების, ასევე თაჩსკრინის საშუალებით.
- მთავარი მინუსი: ორიგინალში ქართულად არ კითხულობს და საჭიროა პატჩის დაყენება. ორი ვარიანტია: ბოროდას ან ამუტინის. ორივე კარგია, ამუტინისას უფრო მეტი რამ მოყვება, მათ შორის ჭადრაკი და სუდოკუ. პატჩის დაყენების შემდეგ შეიძლება ქართული შრიფტების შეგდება და უკვე ნორმალურად ხსნის. მაგრამ მაინც რჩება ერთი პრობლემა: წიგნების ჩამონათვალში ქართული შრიფტით სათაურებს არ აჩვენებს(ე.წ. კუბიკები ჩანს). ჯერჯერობით ამ პრობლემის გადაჭრა გარკვეული ტექნიკური მიზეზების გამო ვერ მოვახერხე.
- სტაილუსი: არ მომწონს ის, რომ რიდერშივე არ ჯდება სონის წინა მოდელებისგან განსხვავებით. ქოვერზე კი მაგრდება, მაგრამ ასე ბევრად მოუხერხებელია და ზოგადად "არ ვიცი სად წავიღო"-ს სინდრომი მაქვს. ზედმეტი დეტალის შეგრძნებას ტოვებს.
- სტაბილურობა: პირველ დღეებში საფუძვლიანად ვაწვალე რიდერი - დავაყენე და წავშალე პატჩები, შრიფტები, მოკლედ შევანჯღრიე :) თაჩსკრინი ორჯერ დაეკიდა. ერთხელ დემო რეჟიმში გადავიდა და გუგლში ქექვა დამჭირდა რომ გამომეყვანა. შემდეგ უკვე სტაბილურად მუშაობს.
- გადაფურცვლა სწრაფია და კომფორტული. მაგრამ რიდერი იყენებს ეკრანის ე.წ. "სრულ განახლებას"(Full Refresh), რაც მინუსია. "ნაწილობრივი განახლებისგან"(Partial Refresh) განსხვავებით მენიუს სქროლინგის დროს ეკრანი მუდმივად ციმციმებს. ამაში კინდლს აშკარად ჩამოუვარდება.
- მთლიანად რიდერის შესაძლებლობები ბევრად მდიდარია ვიდრე კინდლის. შესაძლებელია არაკონტექსტური ტექსტური ჩანაწერების, ნახატების გაკეთება და ცალკე(წიგნისგან დამოუკიდებლად) შენახვა. ბევრად მოსახერხებელია ლექსიკონის გამოძახება, ვიკიპედიაში ძებნა სიტყვის... პატჩის დაყენების შემდეგ კიდევ უფრო მეტი შესაძლებლობები ეძლევა.
ქართულენოვან წიგნებთან დაკავშირებით პრობლემის მარტივი გადაწყვეტა თუ გაკეთდა, მაშინ გამოუცდელ მომხმარებელსაც აღარ ექნება პრობლემები. ველოდებით მიხეილ სუხიაშვილს :)
